EN SEXTO ESTAMOS A TRABALLAR A ESCALAS MAIORES
Agora que empezamos o ano 2010, a ver se son quen de darlle un pouco de vida a este blog. Comezaremos informando das actividades programadas para este trimestre en sexto de primaria. Imos traballar as escalas en tonalidade maior e menor.
TEORÍA:
En teoría musical, chámase intervalo á distancia entre dúas notas. Os intervalos defínense partindo do nome das notas e da distancia en tons ou semitóns existente.
Tomando como base a escala natural de DO e os seus intervalos, temos un “código” que nos servirá para a formación de todas as escalas maiores:
TON – TON – SEMITÓN – TON – TON – TON – SEMITÓN.
Ou o que é o mesmo: 1 – 1 – 1/2 – 1 – 1 – 1 – 1/2
A partir deste código podemos construír tódalas escalas maiores, tendo en conta dúas condicións: a escala comezará e acabará coa mesma nota; e non se poderán repetir nomes de nota.
ESCALA DE RE MAIOR:
Podedes ir probando co resto das escalas
